Ամերիկացիները գիտեին` ես ինչ էի անում յուրաքանչյուր րոպե. Guardian-ն անդրադարձել է հայ խոշորագույն զինավաճառին
2 րոպեի ընթերցում
ԵՐԵՎԱՆ, 16 ՆՈՅԵՄԲԵՐԻ, ԱՐՄԵՆՊՐԵՍ: Հայազգի զինավաճառ Սարգիս Սողանալյանը մահկանացուն կնքել է 2011թ. հոկտեմբերի 11-ին: Ինչպես հաղորդում է «Արմենպրես»-ը' վկայակոչելով Guardian-ը, երկու տասնամյակից ավել Սողանալյանն աշխարհում ամենախոշոր մասնավոր զինավաճառն է եղել:
«Այդ գործով զբաղվել է Լիբանանում, Նիկարագուայում, Անգոլայում, Իրաքում, ինչպես նաեւ իրանա-իրաքյան պատերազմի ժամանակ: Կարճահասակ, թմբլիկ Սողանալյանը կենդանության օրոք բնութագրվում էր որպես «մահ վաճառող»,–գրում է պարբերականը:
Սողանալյանը համագործակել է ԱՄՆ Կենտրոնական հետախուզության վարչության, Հետաքննությունների դաշնային բյուրոյի եւ ամերիկյան այլ պետական գործակալությունների հետ: Նա զենք է մատակարարել Անաստասիո Սոմոզային (Նիկարագուայի նախագահ) սանդինիստական շարժման դեմ մղած պայքարի ժամանակ, Իրաքի առաջնորդ Սադամ Հուսեյնին' Իրանի դեմ պատերազմում:
«Նրա վաշինգոտնյան կապերը, գործերը վատանալու դեպքում, բանտից դուրս գալու երաշխիք էին և օգնում էին լեզու գտնել դատավորների և դատախազների հետ»,- գրում է Guardian-ը:
Սողանալյանն իրեն խիստ հակակոմունիստ է համարել: «Ես երբեք զենք չեմ վաճառել ձախ ուժերի»,- հայտարարել է նա այն բանից հետո, երբ պարզ է դարձել, որ նա զենք է վաճառել Կուլումբիայի զինված հեղափոխական ուժերին:
Սողանլայանը հրթիռներ է մատակարարել Արգենտինային, որոնք հետագայում օգտագործվել են Ֆոլքլենդյան կղզիների համար անգլո-արգենտինյան հակամարտության ընթացքում: «Ամերիկացիները գիտեին, թե ես ինչ էի անում' յուրաքանչյուր րոպե, յուրաքանչյուր ժամ»,- ասել է Սողանալյանը: