Արտակ Դավթյան. «Պաշտոնանկությունները սուր են ընկալվում` կապված նախընտրական շրջանի հետ»
1 րոպեի ընթերցում
![Արտակ Դավթյան. «Պաշտոնանկությունները սուր են ընկալվում` կապված նախընտրական շրջանի հետ»](http://armenpress.am/resized/480/static/news/b/2011/11/667577.jpg)
ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ: Երկրում կատարվող նման զարգացումները' պաշտոնանկությունները, նորմալ են: Այսօր լրագրողների հետ հանդիպման ժամանակ նման տեսակետ հայտնեց ԱԺ ՀՀԿ խմբակցության անդամ Արտակ Դավթյանը' անդրադառնալով վերջին շրջանի կադրային փոփոխություններին: «Բանն այն է, որ այժմ նախընտրական շրջան է, եւ դա է պատճառը, որ այդ իրադարձություններն այդքան սուր են ընկալվում: Եթե դրանք լինեին 1 տարի առաջ, նման ձեւով չէր դիտվի»,-նշեց Դավթյանը:
ԱԺ ՀՀԿ խմբակցության անդամ Համլետ Հարությունյանն էլ ասաց, որ պաշտոնից ազատված մարդիկ տվել են համապատասխան մեկնաբանություններ եւ հավելեց, որ չի կարծում, որ այդ ամենը կապված են հատկապես նախընտրական գործընթացների հետ: