Հայաստանի օգնությունը Թուրքիա կհասնի վաղն առավոտյան

ԵՐԵՒԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Երկրաշարժից տուժած Թուրքիային ՀՀ կառավարության աջակցությունն Իզմիր քաղաք տեղափոխող օդանավի թռիչքը կկայանա վաղը` հոկտեմբերի 28-ի առավոտյան: ՀՀ կառավարության կողմից ուղարկված աջակցության հետ միասին, ինքնաթիռով Թուրքիա կմեկնի նաեւ սպասարկող 10-15 հոգանոց անձնակազմ:

Ինչպես «Արմենպրես»-ի հետ զրույցում նշեց ՀՀ ԱԻՆ փրկարար ծառայության պետի տեղակալ Նիկոլայ Գրիգորյանը, Թուրքիա մեկնող անձնակազմը չի մասնակցելու փրկարարական աշխատանքներին. նախատեսվում է նրանց մասնակցությունը տեղափոխվող բեռի բաշխման գործընթացում: