Հայաստանը դեռեւս Թուրքիայից պաշտոնապես չի ստացել օգնության խնդրանք
1 րոպեի ընթերցում
![Հայաստանը դեռեւս Թուրքիայից պաշտոնապես չի ստացել օգնության խնդրանք](http://armenpress.am/resized/480/static/news/b/2011/10/667053.jpg)
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքական «Անկարա» գործակալությունը տեղեկացրել է, որ Անկարան հրահանգել է պատկան մարմիններին օգնության խնդրանքով դիմել այն երկրներին, որոնք ավելի վաղ պատրաստակամություն էին հայտնել երկրաշարժի պատճառած վնասներին դիմակայելու համար օգնություն տրամադրել: Գործակալությունը նշել է, որ Թուրքիան օգնություն է խնդրել նաեւ Հայաստանից: Հայաստանի արտակարգ իրավիճակների նախարարությունից, սակայն, «Արմենպրես»-ին տեղեկացրին, որ Թուրքիան դեռեւս օգնության խնդրանքով պաշտոնապես չի դիմել մեր երկրին:
Նշենք, որ Թուրքիայում հոկտեմբերի 23-ին տեղի ունեցած երկրաշարժի հետեւանքները վերացնելու համար այլ երկրների թվում օգնություն էր առաջարկել նաեւ Հայաստանը, սակայն Թուրքիան մերժել էր' նշելով, որ անհրաժեշտության դեպքում կդիմի: