Աղթամարի Սուրբ Խաչ եկեղեցին չի վնասվել
1 րոպեի ընթերցում
![Աղթամարի Սուրբ Խաչ եկեղեցին չի վնասվել](http://armenpress.am/resized/480/static/news/b/2011/10/667037.jpg)
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Վանա լճի Աղթամար կղզու Սուրբ Խաչ եկեղեցին վերջին երեք օրերի ընթացքում տեղի ունեցած երկու ուժգին երկրաշարժերից չի տուժել: Այս մասին «Արմենպրես»-ին տեղեկացրեց Ստամբուլի «Ժամանակ» հայկական օրաթերթի գլխավոր խմբագիր Արա Գոչունյանը:
Հիշեցնենք, որ երեք օր առաջ Վանում արձանագրվել էր 7,2 մագնիտուդով երկրաշարժ, իսկ երեկ` 5,4 մագնիտուդով:
Արա Գոչունյանը եւս մեկ անգամ հաստատեց Հայաստանի արտգործնախարարության տեղեկատվությունը, ըստ որի` երկրաշարժի արդյունքում զոհերի եւ վիրավորների թվում ազգությամբ հայեր չկան: «Վանի տարածաշրջանում հայկական համայնք չկա»,- ասաց նա: