368.59
Ա. Սարգսյան. «Ուրիշներն էլ ցանկանում են օգտվել Ազատության հրապարակից»
1 րոպեի ընթերցում
ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ: Իրականությանը չեն համապատասխանում ՀԱԿ-ի տարածած լուրերը, թե խոչընդոտվում է մարզերից Երեւան եկող ավտոմեքենաների մուտքը:
Ինչպես «Արմենպրես»-ի հետ զրույցում նշեց ՀՀ ոստիկանապետ Ալիկ Սարգսյանը, պարզապես այժմ ուժեղացվել են ոստիկանական ծառայությունների աշխատանքները, որպեսզի հանրապետությունում տիրող իրավիճակին ոստիկանությունը իրազեկ լինի, տիրապետի:
«Որեւէ ցուցում տրված չէ մարզերից Երեւան եկող ավտոմեքենաներին արգելել մուտք գործել մայրաքաղաք: Նման փաստ չկա»,- նշեց Ա. Սարգսյանը:
Ըստ նրա' ընդդիմության հանրահավաքը, մարդկանց սնունդով ապահովելը եւ այլ միջոցներով շահագրգռելը, ոչինչ չի տալու:
«Հանրահավաքների ժամանակ ոստիկանության քայլերը եղել ու լինելու են օրենքի շրջանակում: Ընդդիմության շուրջօրյա հանրահավաքը ցրելու մտադրութուն ու ցանկություն այս պահին չկա, պարզապես ոստիկանությունը գործելու է այնպես, որ ապահովվի հանրային կարգը: Այլ մարդիկ եւս կան, որոնք ցանկանում են օգտվել Ազատության հրապարակից, իսկ ընդդիմության շուրջօրյա հանրահավաքները խոչընդոտ են դրա համար»,- ընդգծեց Ա. Սարգսյանը:
Բաժանորդագրվեք մեր ալիքին Telegram-ում