Ադրբեջանը վտանգում է տարածաշրջանի փխրուն կայունությունը
1 րոպեի ընթերցում
![Ադրբեջանը վտանգում է տարածաշրջանի փխրուն կայունությունը](http://armenpress.am/resized/480/static/news/b/2011/10/665161.jpg)
ԵՐԵՎԱՆ, 5 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանի զինված ուժերի դիպուկահար գործողությունները, որոնց հետեւանքով հոկտեմբերի 5-ին ՀՀ Տավուշի մարզի Չինարի գյուղի ուղղությամբ տեղակայված մարտական հենակետում հրազենային վիրավորում են ստացել ժամկետային զինծառայողներ Հենրիկ Ռաֆիկի Խաչատրյանը եւ Խաչատուր Հրանտի Սուքիասյանը, իսկ Լեռնային Ղարաբաղի Հանրապետությունում զոհվել է զինծառայող Յուրի Արամի Սարգսյանը, ցույց է տալիս, որ Ադրբեջանը ոչ միայն արհամարհում է հրադադարի ռեժիմը պահպանելու միջազգային հանրության կոչերը, այլեւ վտանգում է տարածաշրջանի փխրուն կայունությունը' ինքնաբերաբար պատասխանատվություն կրելով բոլոր անցանկալի հետեւանքների համար:
Ինչպես «Արմենպրես»-ին տեղեկացրին ՀՀ ՊՆ տեղեկատվության եւ հասարակայնության հետ կապերի վարչությունից, այս մասին այսօր ասել է ՀՀ պաշտպանության նախարարի մամուլի քարտուղար Դավիթ Կարապետյանը' մեկնաբանելով ադրբեջանական կողմի դիպուկահար գործողությունները: