Դ. Կարապետյան. «Հայաստանն անկախությունից ի վեր ոչ պիտանի սպառազինություն երբեք չի գնել»
1 րոպեի ընթերցում
![Դ. Կարապետյան. «Հայաստանն անկախությունից ի վեր ոչ պիտանի սպառազինություն երբեք չի գնել»](http://armenpress.am/resized/480/static/news/b/2011/09/664042.jpg)
ԵՐԵՎԱՆ, 22 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ զինված ուժերի կարիքների համար սպառազինության եւ ռազմական տեխնիկայի ձեռքբերումներն ու գնումները իրականացվում են ՀՀ օրենսդրության եւ միջազգային համապատասխան նորմերի ու պարտավորությունների շրջանակներում: Ելնելով ազգային անվտանգության շահերից' սպառազինության գնումների քանակի, տեսականու եւ վաճառող կողմի վերաբերյալ մանրամասները հրապարակման ենթակա չեն: Ինչպես «Արմենպրես»-ին տեղեկացրին ՀՀ ՊՆ տեղեկատվության եւ հասարակայնության հետ կապերի վարչությունից,
այս մասին նշել է ՀՀ պաշտպանության նախարարի մամուլի քարտուղար Դավիթ Կարապետյան' մեկնաբանելով լրատվամիջոցներում տարածված այն տեղեկություններ, թե իբր Հայաստանը Մոլդովայից գնել է ոչ պիտանի ռազմական տեխնիկա
«Կարող եմ միայն նշել, որ Հայաստանի Հանրապետությունը անկախությունից ի վեր ոչ պիտանի սպառազինություն երբեք չի գնել»,- ասել է նա: