Ս. Հասրաթյան. «Եթե նույնիսկ ադրբեջանցի զինվոր է վիրավորվել, ապա պատճառները թող փնտրեն սեփական բանակում»
1 րոպեի ընթերցում
![Ս. Հասրաթյան. «Եթե նույնիսկ ադրբեջանցի զինվոր է վիրավորվել, ապա պատճառները թող փնտրեն սեփական բանակում»](http://armenpress.am/resized/480/static/news/b/2011/09/662921.jpg)
ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: Լեռնային Ղարաբաղի Պաշտպանության բանակը զերծ է մնում շփման գծի ողջ երկայնքով հրադադարի ռեժիմի խախտումներից: «Արմենպրես»-ի հետ զրույցում այս մասին նշեց ԼՂՀ ՊԲ մամուլի քարտուղար Սենոր Հասրաթյանը' մեկնաբանելով ադրբեջանական լրատվամիջոցների այն տեղեկատվությունը, թե իբր հայկական կողմից հրադադարի ռեժիմի խախտման հետեւանքով վիրավորվել է ադրբեջանցի զինծառայող Թելման Ալիշահօղլու Սեյաֆուլլաեւը:
Նշենք, որ ըստ այդ տեղեկությունների' իբր 1992թ-ին ծնված զինծառայողը վիրավորվել է Թարթառի ուղղությամբ հայկական ուժերի կողմից հրադադարի ռեժիմի խախտման արդյունքում:
«Եթե նույնիսկ ադրբեջանական բանակում զինվոր է վիրավորվել, ապա դրա պատճառները թող փնտրեն սեփական բանակում տիրող իրավիճակի մեջ»,- հավելեց Ս.Հասրաթյանը: