ՊՆ. «Հայկ Մկրտչյանը մահացել է համածառայակցի կողմից զենքի հետ վարվելու կանոնների խախտման հետեւանքով արձակված կրակոցներից»
1 րոպեի ընթերցում
![ՊՆ. «Հայկ Մկրտչյանը մահացել է համածառայակցի կողմից զենքի հետ վարվելու կանոնների խախտման հետեւանքով արձակված կրակոցներից»](http://armenpress.am/resized/480/static/news/b/2011/09/662779.jpg)
ԵՐԵՎԱՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Այսօր վաղ առավոտյան Լեռնային Ղարաբաղի Հանրապետության պաշտպանության բանակի ժամկետային զինծառայող Հայկ Վասիլիի Մկրտչյանի մահվան կապակցությամբ Հայաստանի պաշտպանության նախարարությունից հայտնում են, որ զինծառայողը մահացել է համածառայակից, ժամկետային զինծառայող Լենդրուշ Սամվելի Նազլուխանյանի կողմից զենքի հետ վարվելու կանոնների խախտման հետեւանքով արձակված կրակոցներից:
Ինչպես «Արմենպրես»-ին տեղեկացրին ՀՀ ՊՆ տեղեկատվության եւ հասարակայնության հետ կապերի վարչությունից, փաստի առթիվ ՀՀ ՊՆ քննչական ծառայությունում հարուցվել է քրեական գործ' ՀՀ քրեական օրենսգրքի 373 հոդվածի 3-րդ մասով, կատարվում է նախաքննություն: