ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ: Հայաստանում տարեկան միջինը գրանցվում է 70 սպանություն: Այս մասին լրագրողների հետ հանդիպման ժամանակ այսօր ասաց Հայաստանի Հանրապետության գլխավոր դատախազի տեղակալ Մնացական Սարգսյանը' ընդգծելով, որ միայն 2010 թվականին է, որ նահանջ է գրանցվել ու արձանագրվել է սպանության 50 դեպք, որը 20-ով քիչ է վերջին տարիների միջին ցուցանիշից:
«Նախորդ տարվա ցուցանիշը, սակայն, չի ենթադրում, որ այդ ուղղությամբ աշխատելու տեղ այլեւս չկա»,- ասաց Գլխավոր դատախազի տեղակալը:
Ըստ նրա' բնակչության թվաքանակի համեմատությամբ ԱՊՀ պետությունների շրջանում մեր ցուցանիշը շատ ավելի դրական է: