ԱՆ նոտարիատի բաժինը չի լուծարվել
1 րոպեի ընթերցում
![ԱՆ նոտարիատի բաժինը չի լուծարվել](http://armenpress.am/resized/480/static/news/b/2011/05/653270.jpg)
ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Հայաստանի Հանրապետության արդարադատության նախարարության նոտարիատի բաժինը չի լուծարվել: Ինչպես «Արմենպրես»-ի հետ զրույցում նշեց Հայաստանի Հանրապետության արդարադատության նախարարի մամուլի քարտուղար Կարինե Քալանթարյանը, նախարարությունում իրականացվում են կառուցվածքային բարեփոխումներ, որոնց մասին իր ասուլիսում հայտարարել էր Արդարադատության նախարար Հրայր Թովմասյանը:
Բարեփոխումների շրջանակներում նախարարության կազմում գործող նոտարիատի բաժինը վերակազմավորման արդյունքում վերակազմակերպվել է: Մամուլի քարտուղարի խոսքով' համակարգում գործող, վերահսկողություն իրականացնող բոլոր բաժինները նոր ձեւով տեղափոխվել են Արդարադատության նախարարության աշխատակազմի օրինականության վերահսկողության տեսչություն: Վերակազմակերպված բոլոր բաժինների աշխատակիցները տեղափոխվել են քաղծառայության ռեզերվ:
Կ. Քալանթարյանը նշեց, որ նախարարությունում կատարվող նոր փոփոխությունների, վերակազմակերպման վերջնական արդյունքների մասին հասարակությունը կտեղեկացվի: