Անկախ պետությունների համագործակցության տարածքում կգործի առեւտրային ազատ ռեժիմ
1 րոպեի ընթերցում
![Անկախ պետությունների համագործակցության տարածքում կգործի առեւտրային ազատ ռեժիմ](http://armenpress.am/resized/480/static/news/b/2011/05/652186.jpg)
ԵՐԵՎԱՆ, 12 ՄԱՅԻՍԻ, ԱՐՄԵՆՊՐԵՍ: Անկախ պետությունների համագործակցության տարածքում կգործի առեւտրային ազատ ռեժիմ: Այդ կապակցությամբ Հայաստանի Հանրապետության կառավարության այսօրվա նիստում հավանության արժանացավ «Ազատ առեւտրի գոտու մասին» պայմանագրի կնքման առաջարկությունը:
ՀՀ էկոնոմիկայի նախարար Տիգրան Դավթյանի խոսքով' սա ֆենոմենալ համաձայնագիր է, ինչը սկզբունքորեն կփոխի իրավիճակը: Նախարարի տեղեկացմամբ' ներկայում այդ ռեժիմներն իրականացվում էին երկկողմ համաձայնագրերի շրջանակներում: «Այս պայմանագրի կնքումը լուրջ իրավական հիմք կստեղծի ԱՊՀ շրջանակներում ազատ առեւտրի գոտի ստեղծելու առումով»,- ասաց նախարարը: