1 րոպեի ընթերցում
ԳՅՈՒՄՐԻ, 15 ՀՈԿՏԵՄԲԵՐԻ, ԱՐՄԵՆՊՐԵՍ (սեփ. թղթ. Արմենուհի Մխոյան): Շիրակի մարզում հոկտեմբերի 1-ի դրությամբ գործազրկության մակարդակը 12.9 % է: Ինչպես «Արմենպրեսե-ին տեղեկացրեց Զբաղվածության Շիրակի մարզի տարածքային կենտրոնի տնօրեն Ամալյա Ադամյանը, մարզում գրանցված է աշխատանք փնտրող 15 հազ 200 քաղաքացի, որի 80%-ն ունի գործազուրկի կարգավիճակ: Նրանց մեծ տոկոսը՝ 84.4, կանայք են, 62.2 %-ը` բանվորի մասնագիտությամբ: Գործազուրկների մեջ մեծ թիվ են կազմում նաեւ մանկավարժները, ինժեներները, բուժքույրերը եւ հաշվապահները: Նշենք, որ տարեսկզբից մինչ օրս մարզի զբաղվածության տարածքային կենտրոնի աջակցությամբ աշխատանքի է տեղավորվել 334 աշխատանք փնտրող: Չնայած գործազուրկների առկայությանը` մարզում առկա է նաեւ բժիշկների, լրագրողների, ցանցային ադմինիստրատորների, փականագործների, խառատների, ծեփագործների, մեխանիկների եւ էլեկտրիկների պահանջարկ: