Հայաստանը դիրքավորվում է որպես միջազգային բարձր մակարդակի միջոցառումներ հյուրընկալող երկիր. Փաշինյան
2 րոպեի ընթերցում
Հայաստանի վարչապետ Նիկոլ Փաշինյանի կարծիքով՝ Հայաստանը դիրքավորվում է որպես միջազգային կարևոր միջոցառումները բարձր մակարդակով կազմակերպող երկիր։
«Արմենպրես»-ի փոխանցմամբ՝ վարչապետ Նիկոլ Փաշինյանը նման կարծիք է հայտնել «Ֆեյսբուք»-ի իր էջում հրապարակած տեսանյութում։
«COP17-ի առաջին օրերի արդյունքներով և նաև հետահայաց նայելով այս տարվա մայիսին Երևանում կազմակերպված Եվրոպական քաղաքական համայնքի գագաթնաժողովին՝ կարող ենք արձանագրել հետևյալը, որ Հայաստանը դիրքավորվում է որպես միջազգային բարձր մակարդակի միջոցառումները բարձր մակարդակով կազմակերպող երկիր, և սա անուրանալի և չափազանց կարևոր ներդրում է Հայաստանի Հանրապետության միջազգային հեղինակության համար և շատ էական ձեռքբերում։
Ես կարծում եմ, որ մենք պետք է այս մարտավարությունը շարունակենք, և Հայաստանը նորանոր այսպիսի միջոցառումներ պետք է հյուրընկալի, որովհետև դրանք բարձրացնում են Հայաստանի Հանրապետության տեսանելիությունը և միջազգային հեղինակությունը, նոր զբոսաշրջային հոսքեր են բերում Հայաստան, և, ըստ էության, այս ձևով միջոցառումների վրա իրականացվող ծախսերը վերադառնում են Հայաստանի Հանրապետություն և բաշխվում են քաղաքացիների միջև՝ կախված նրանց ակտիվությունից և գործունեության տեսակից։
Եվ, ի վերջո, այս միջոցառումները բարձրացնում են Հայաստանի տեսանելիությունը և նոր ներդրումներ են բերում Հայաստանի Հանրապետություն՝ սրա բոլոր դրական արդյունքներով»,- ասել է Նիկոլ Փաշինյանը։