1 րոպեի ընթերցում
Մոլդովայի օդային տարածք են ներխուժել սպառազինության մի քանի միավորներ՝ անօդաչու թռչող սարքեր։ Առաջին հինգը հայտնաբերվել են Անենի-Նոյ, Շտեֆան-Վոդե, Հինչեշտ, Տուդորա և Կաուշենի քաղաքների մերձակայքում։ «Արմենպրես»-ի փոխանցմամբ՝ այդ մասին տեղեկացնում է Deutsche Welle-ն։
Մոլդովայի բանակի օդային գործողությունների ծառայության մշտադիտարկման համակարգն արձանագրել է ԱԹՍ-ների թռիչքները հոկտեմբերի 3-ին տեղական ժամանակով առավոտյան ժամը 7:45-ից 8:00-ն ընկած ժամանակահատվածում։
Ավելի ուշ երկրի պաշտպանության նախարարությունը պարզաբանել է, որ միջադեպի պատճառը Ռուսաստանի Դաշնության կողմից Ուկրաինային հասցված զանգվածային հարվածներն էին։
«Բացի գետնին ընկած հինգ օդային օբյեկտներից (երեք հրթիռ և երկու անօդաչու թռչող սարք), արձանագրվել է ևս մեկ չարտոնված թռիչք»,-ասված է հայտարարության մեջ։