1 րոպեի ընթերցում
Ճամբարակ-Վահան ճանապարհին զինծառայողներին վրաերթի ենթարկած վարորդը ձերբակալվել է։
«Արմենպրես»-ի փոխանցմամբ՝ այդ մասին հաղորդագրություն է տարածել ՀՀ քննչական կոմիտեն։
«Օգոստոսի 19-ին Ճամբարակ-Վահան ճանապարհին տեղի ունեցած վրաերթի դեպքի առթիվ նախաձեռնվել է քրեական վարույթ՝ Քրեական օրենսգրքի 342-րդ հոդվածի 1-ին և 4-րդ մասերով (ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման անվտանգությունն ապահովող կանոնները խախտելը):
Քրեական վարույթի շրջանակում տրանսպորտային միջոցի վարորդը ձերբակալվել է:
Նախաքննությունը շարունակվում է, կատարվում են անհետաձգելի քննչական և վարութային այլ գործողություններ»,- ասված է հաղորդագրության մեջ։
Ավելի վաղ հաղորդագրություն էր տարածել ՀՀ պաշտպանության նախարարությունը՝ հայտնելով, որ Ճամբարակ-Վահան ճանապարհին «Գազ-53» ավտոմեքենան վրաերթի է ենարկվել մի քանի զինծռայողների, որոնցից մեկը մահացել է։