Ընթացիկ տարվա առաջին կիսամյակի տվյալներով Հայաստանից արտահանումն աճել է մի քանի ուղղություններով. Գևորգ Պապոյան
1 րոպեի ընթերցում
Հայաստանի էկոնոմիկայի նախարար Գևորգ Պապոյանը հայտնել է 2026 թվականի հունվար-հունիս ժամանակահատվածում Հայաստանից մի քանի ուղղություններով արտահանումների աճի մասին։
«Արմենպրես»-ի փոխանցմամբ՝ Պապոյանը «Ֆեյսբուք»-ի իր էջում, մասնավորապես, առանձնացրել է 3 ուղղություն։
«Նախորդ տարվա նույն ժամանակահատվածի համեմատ արտահանումը Չինաստան՝ աճել է 83,4%-ով, Հնդկաստան՝ աճել է 81,3%-ով, Եվրոպական միություն՝ աճել է 80%-ով»,-գրել է Պապոյանը։