Արտաքին քաղաքականությունը՝ ստանդարտ դիվանագիտական լեզվից դուրս. ԱԳՆ-ն փոդքաստային շարք է սկսել
1 րոպեի ընթերցում
Արտաքին գործերի նախարարությունը փոդքաստների շարք է սկսել, որի շրջանակներում արտաքին քաղաքական գերատեսչության տարբեր պաշտոնյաներ կանդրադառնան Հայաստանի արտաքին քաղաքական օրակարգի տարբեր թեմաների։
«Արմենպրես»-ի փոխանցմամբ՝ DipTalk խորագիրը կրող փոդքաստային շարքի առաջին բանախոսներն ՀՀ արտաքին գործերի նախարարի տեղակալ Վահան Կոստանյանն ու ԱԳՆ մամուլի խոսնակ Անի Բադալյանն են, որոնք զրուցում են Եվրամիության հետ Հայաստանի գործընկերության տարբեր ուղղություններից։