Շվանիձորի 17-րդ դարի ջրանցույցը (ակվեդուկ)

17-րդ դարի ուշագրավ այս ակվեդուկը Շվանիձորի ամենանշանակալից տեսարժան վայրերից է։ Բազալտից՝ կրաշաղախով կառուցված այս ինժեներական հրաշքը  նախատեսված է այգիները ոռոգելու համար՝ ջուրը սարի մի կողմից մյուս կողմը անցկացնելով: Հունահռոմեական ոճի այս բազալտե ջրանցույցը կառուցված է ոչ շատ մեծ քարերով։ Միաթռիչք սլաքաձև կամարը երկկենտրոն է: Ջրանցույցը համարվում է միջնադարյան Հայաստանի նմանատիպ ինժեներական կառույցներից ամենաարժեքավորը ու գործում է մինչև օրս։