Հասանովն ու Վուչիչը քննարկել են Ադրբեջան-Սերբիա ռազմական համագործակցության զարգացման հեռանկարները
1 րոպեի ընթերցում
Ադրբեջանի պաշտպանության նախարար Զաքիր Հասանովը Սերբիա կատարած այցի շրջանակներում հանդիպել է Սերբիայի նախագահ Ալեքսանդր Վուչիչի հետ։
«Արմենպրես»-ի հաղորդմամբ՝ այս մասին հայտնում են ադրբեջանական լրատվամիջոցները՝ հղում անելով երկրի պաշտպանության նախարարությանը։
Նշվում է, որ հանդիպմանը մասնակցել է նաև Բելգրադում Ադրբեջանի դեսպան Կամիլ Խասիևը։
Հաղորդվում է, որ կողմերը քննարկել են երկու երկրների միջև ռազմական համագործակցության զարգացման հեռանկարները, մասնավորապես՝ պաշտպանական արդյունաբերության ոլորտում։
Հանդիպումից հետո Ադրբեջանի պաշտպանության նախարարն այցելել է Կրուշևացի «Սլոբոդիշտե» հուշահամալիր և ծաղկեպսակ դրել Երկրորդ համաշխարհային պատերազմի զոհերի հուշարձանին։