Թրամփը հայտարարել է, որ Չինաստանը կարող է նավթ գնել ԱՄՆ-ից

Միացյալ Նահանգների նախագահ Դոնալդ Թրամփը Պեկինում Չինաստանի նախագահ Սի Ծինփինի հետ հանդիպումից հետո հայտարարել է, որ այդ երկիրը կարող է սկսել նավթ գնել ԱՄՆ-ից։

«Սին ասել է, որ նրան դուր է գալիս այդ միտքը: Կարծում եմ՝ դա տեղի կունենա։ Նրանք համաձայնել են, որ ցանկանում են նավթ գնել ԱՄՆ-ից։ Նրանք կգնան Տեխաս։ Մենք չինական նավերը ուղարկելու ենք Տեխաս ու Լուիզիանա և Ալյասկա»,- «Արմենպրես»-ի փոխանցմամբ, ասել է Թրամփը Fox News-ին տված հարցազրույցում։

Հնարավոր գործարքի մասին այլ մանրամասներ հայտնի չեն։

Ըստ Kpler առևտրային վերլուծական հարթակի՝ Պեկինը հասցրել է ԱՄՆ-ից էներգակիրների ներմուծումը «բացարձակ նվազագույնի» այն բանից հետո, երբ Թրամփը 2025 թվականին զգալի սակագներ սահմանեց, և ԱՄՆ-ից Չինաստան հում նավթի արտահանումը փաստացի դադարեցվել է ավելի քան մեկ տարի առաջ։

Չնայած իրանական պատերազմից հետևանքով համաշխարհային էներգետիկ ցնցմանը՝ Չինաստանում նավթի մեծ պաշարները մինչ օրս կարողացել են մեղմել դրա բացասական տնտեսական ազդեցությունները։ Ռուսաստանը Չինաստանի համար հում նավթի ներմուծման հիմնական աղբյուրն է։

Իրանական պատերազմի սկսվելուց առաջ Չինաստանը իրանական նավթի ամենամեծ գնորդն էր։