1 րոպեի ընթերցում
Ռուսաստանը և Ուկրաինան իրականացրել են գերիների հերթական փոխանակումը՝ «193-ը 193-ի դիմաց» ձևաչափով։ «Արմենպրես»-ի փոխանցմամբ՝ այս մասին հայտնել են ինչպես ՌԴ պաշտպանության նախարարությունը, այնպես էլ Ուկրաինայի նախագահ Վոլոդիմիր Զելենսկին։
Ըստ ՌԴ պաշտպանական գերատեսչության՝ փոխանակումը տեղի է ունեցել Արաբական Միացյալ Էմիրությունների և Միացյալ Նահանգների միջնորդությամբ։ Այժմ ռուսաստանցիները գտնվում են Բելառուսում, որտեղ նրանց ցուցաբերվում է անհրաժեշտ հոգեբանական և բժշկական օգնություն։
Զելենսկին իր հերթին հայտարարել է, որ 193 ուկրաինացի զինծառայող վերադառնում է հայրենիք։
«Նրանց շրջանում կան մարդիկ, որոնց նկատմամբ Ռուսաստանը քրեական գործեր է հարուցել։ Նա նաև վիրավորներ», - նշել է Ուկրաինայի նախագահը։
Նախորդ փոխանակումը՝ Սուրբ Զատկի տոնին ընդառաջ, տեղի է ունեցել ապրիլի 11-ին. կողմերը փոխանակել են 175-ական գերեվարված զինծառայողի։
Մարտի 5-ին և 6-ին Մոսկվան և Կիևը երկու փուլով իրականացրել են ռազմագերիների փոխանակում՝ «500-ը 500-ի դիմաց» ձևաչափով։