1 րոպեի ընթերցում
ԵՄ ղեկավարներն ակտիվորեն առաջ են տանում Ռուսաստանի դեմ պատժամիջոցների 21-րդ փաթեթի վրա աշխատանքը և ձգտում վերացնել պատժամիջոցների մի քանի նախկին «կարմիր գծեր»: «Արմենպրես»-ի փոխանցմամբ՝ այս մասին հայտնել է ԵՄ դիվանագիտության ղեկավար Կայա Կալասը միության ոչ պաշտոնական գագաթնաժողովին ժամանելիս։
«Հիմա մենք նաև պետք է վերանայենք նախկին «կարմիր գծերը», որոնց պատճառով արգելափակվել է որոշ պատժամիջոցների ընդունումը, և մտածենք, թե էլ ինչ կարելի է անել։ Ղեկավարներն իսկապես ակտիվորեն հորդորում են շարունակել աշխատանքը պատժամիջոցների 21-րդ փաթեթի վրա», - Կալասի խոսքերն է մեջբերում Արտաքին գործողությունների եվրոպական ծառայությունը։
ԵՄ-ն ապրիլի 23-ին ընդունել է Ռուսաստանի դեմ պատժամիջոցների 20-րդ փաթեթը։