1 րոպեի ընթերցում
Իրանական պատվիրակության հետ բանակցությունների նպատակով ԱՄՆ փոխնախագահ Ջեյ Դի Վենսի այցը Պակիստան չեղարկվել է։ «Արմենպրես»-ի փոխանցմամբ՝ այս մասին հաղորդում է CBS News-ը՝ վկայակոչելով ԱՄՆ վարչակազմում իր աղբյուրին։
Վենսը պետք է Իսլամաբադ մեկներ, որպեսզի ապրիլի 22-ին բանակցություններ վարեր իրանական կողմի հետ։
«Դեմ առ դեմ հանդիպման վերաբերյալ հետագա նորությունները կհայտարարվեն Սպիտակ տան կողմից», - ասել է աղբյուրը։
Մինչ այս ԱՄՆ նախագահ Դոնալդ Թրամփը հայտարարել էր Իրանի հետ հրադադարն անորոշ ժամանակով երկարաձգելու մասին։
Ավելի վաղ Իրանի արտգործնախարարությունից հայտնել էին, որ ԱՄՆ-ի հետ բանակցություններին մասնակցելու որոշում չի կայացվել։ Ըստ իրանցի պաշտոնյաների՝ Թեհրանը չի ցանկանում բանակցել սպառնալիքների ներքո։
Ապրիլի 11-12-ին Իսլամաբադում ԱՄՆ-ի և Իրանի միջև տեղի ունեցած բանակցություններն ավարտվել էին առանց համաձայնության։