1 րոպեի ընթերցում
ԱՄՆ նախագահ Դոնալդ Թրամփը համոզմունք է հայտնել, որ Միացյալ Նահանգները, վերջնարդյունքում մեծ գործարք կկնքի Իրանի հետ, որով կավարտվի շաբաթներ տևած պատերազմը։
«Արմենպրես»-ի փոխանցմամբ՝ այս մասին Դոնալդ Թրամփը հայտարարել է CNBC հեռուստաալիքին տված հարցազրույցում՝ հավելելով, որ այնուամենայնիվ, չի սպասում չորեքշաբթի օրը լրացող հրադադարի երկարաձգմանը։
Թրամփի պնդմամբ՝ Իրանն այլընտրանք չունի, քանի որ ԱՄՆ-ն վերացրել է նրա նավատորմը, ռազմաօդային ուժերը, ինչպես նաև առաջնորդներին, ինչը, Միացյալ Նահանգների նախագահի բնութագրմամբ, դժվարացնում է իրավիճակը։
Այդուհանդերձ, Թրամփի կարծիքով, Իրանի ներկայիս առաջնորդները շատ ավելի ռացիոնալ են։
Հարցին, թե արդյոք կերկարաձգի հրադադարը՝ խաղաղության բանակցություններին ժամանակ տալու, պատերազմը դադարեցնելու համաձայնության հասնելու համար, Թրամփը պատասխանել է, որ չի ցանկանում դա անել։