Ուկրաինան սպառազինության և դրոնների արտահանման համաձայնագրեր է կնքել Սաուդյան Արաբիայի, ԱՄԷ և Կատարի հետ

Ուկրաինայի նախագահ Վոլոդիմիր Զելենսկին հայտարարել է ուկրաինական սպառազինության և անօդաչու թռչող սարքերի արտահանման շուրջ Սաուդյան Արաբիայի, Արաբական Միացյալ Էմիրությունների և Կատարի հետ տասնամյա համաձայնագրեր կնքելու մասին: Ինչպես հաղորդում է «Արմենպրես»-ը, X-ում արված գրառման մեջ նա նշել է, որ  Մերձավոր Արևելքի և Պարսից ծոցի 11 երկրից արդեն կան համապատասխան հայտեր, բացի այդ, Զելենսկու խոսքով, Կիևն աստիճանաբար դիտարկում է նաև Կովկասը:

We have already reached 10-year agreements with three key countries: Saudi Arabia, the United Arab Emirates, and Qatar. We already have requests from 11 countries – the Middle East and the Gulf, plus we’re also gradually turning our attention to the Caucasus.

Within this Drone…

— Volodymyr Zelenskyy / Володимир Зеленський (@ZelenskyyUa) April 19, 2026

Նախատեսվում է սպառազինության համատեղ արտադրություն ինչպես Ուկրաինայում, այնպես էլ այլ երկրներում:

Ուկրաինայի նախագահը տեղեկացրել է, որ արդեն իսկ աշխատանքներ են սկսվել եվրոպական երկրների, մասնավորապես Գերմանիայի, Իտալիայի, Նորվեգիայի, Շվեդիայի և Նիդեռլանդների հետ։