2 րոպեի ընթերցում
Ռուսաստանը ողջունել է ամերիկյան կողմի հետ բանակցությունները ռուս-ուկրաինական հակամարտության կարգավորման շուրջ և դրանց շարունակման պատրաստակամություն է հայտնում: Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին լրագրողներին հայտնել է Ռուսաստանի արտաքին գործերի նախարար Սերգեյ Լավրովը Չինաստան կատարած պաշտոնական այցի արդյունքների վերաբերյալ:
Նա հիշեցրել է, որ ուկրաինական ճգնաժամի կարգավորման շուրջ բանակցությունների գործընթացը նախաձեռնել են ԱՄՆ-ի և Ռուսաստանի նախագահներ Դոնալդ Թրամփը և Վլադիմիր Պուտինը:
«Բանակցություններ, որոնք մենք ողջունել ենք և շարունակում ենք դրանց շարունակման պատրաստակամություն հայտնել…. 2025 թ. օգոստոսին Ալյասկայում մենք ընդունեցինք առաջարկներ, որոնք, ինչպես համոզված էինք, Միացյալ Նահանգները ներկայացրել էր անկեղծ սրտով և ամենաբարի մտադրություններով», - նշել է Լավրովը:
Միևնույն ժամանակ Ռուսաստանի արտաքին գործերի նախարարն ուշադրություն է հրավիրել այն հանգամանքի վրա, որ Ալյասկայում ռուս-ամերիկյան գագաթնաժողովի ընթացքում ձեռք բերված համաձայնություններն ու փոխըմբռնումներն «արգելափակվում, տորպեդահարվում են հենց եվրոպական ղեկավար ընտրախավի կողմից, որը նստած է Բրյուսելում, Փարիզում և Բեռլինում, և որոնց ձայնակցում են Լոնդոնից»:
Տարվա սկզբին ԱՄՆ-ի, Ռուսաստանի և Ուկրաինայի միջև եռակողմ բանակցությունների մի քանի փուլից հետո շփումները դադարեցվել են՝ Իրանի դեմ ամերիկա-իսրայելական ռազմական գործողությունների պատճառով։