1 րոպեի ընթերցում
Հայաստանի Հանրապետության մարդու իրավունքների պաշտպան Անահիտ Մանասյանն մարտի 19-ին ընդունել է 2020 թվականի նոյեմբերից Ադրբեջանում ազատությունից զրկված և 2026 թվականի հունվարին Հայաստան վերադարձած Դավիթ Դավթյանին։
«Արմենպրես»-ի հաղորդմամբ՝ այս մասին հայտնում են Մարդու իրավունքների գրասենյակից։
«Ողջունելով հյուրին՝ Անահիտ Մանասյանը նշել է, որ Դավիթ Դավթյանի իրավունքներին վերաբերող հարցերն ի սկզբանե գտնվել են իր անմիջական ուշադրության կենտրոնում և շարունակաբար հասցեագրվել են ինչպես միջազգային, այնպես էլ ներպետական իրավասու մարմիններին»,-ասված է հաղորդագրության մեջ։
Դավիթ Դավթյանը շնորհակալություն է հայտնել Մարդու իրավունքների պաշտպանին՝ այս ամբողջ ժամանակահատվածում իր խնդիրները մշտապես ուշադրության կենտրոնում պահելու և այդ ուղղությամբ գործադրված ջանքերի համար:
Նշվում է, որ հանդիպման ընթացքում բարձրացվել են առողջության պահպանման, սոցիալ-տնտեսական և այլ իրավունքներին առնչվող մի շարք հարցեր:
ՄԻՊ Անահիտ Մանասյանն ընդգծել է, որ այդ հարցերը ևս իր աշխատակազմում կդառնան ուսումնասիրության առարկա, կհասցեավորվեն ըստ իրավասության և կցուցաբերվի շարունակական հետևողականություն դրանց լուծումներ գտնելու հարցում: