1 րոպեի ընթերցում
ԱՄՆ Սենատը կրկին մերժել է այն բանաձևը, որը պահանջում էր, որ նախագահ Դոնալդ Թրամփն Իրանի դեմ ռազմական գործողությունների համար ստանա Կոնգրեսի հավանությունը։ «Արմենպրես»-ի փոխանցմամբ՝ The Hill պարբերականը հաղորդում է, որ բանաձևին կողմ է քվեարկել 47 օրենսդիր, դեմ՝ 53։
Դեմոկրատ սենատոր Քորի Բուքերի կողմից ներկայացված բանաձևը պահանջում էր, որ ԱՄՆ նախագահը «դուրս բերի Միացյալ Նահանգների զինված ուժերը Իրանի տարածքում կամ նրա դեմ մարտական գործողություններից, եթե միայն դա հստակ չի թույլատրվել պատերազմի հայտարարմամբ կամ ռազմական ուժի կիրառման հատուկ թույլտվությամբ»։
ԱՄՆ կոնգրեսականները չեն թույլատրել Իրանի դեմ ռազմական ուժի կիրառում։
Կոնգրեսում հանրապետականների ճնշող մեծամասնությունը պաշտոնապես աջակցում է Սպիտակ տան գործողություններին։
Նրանց կարծիքով, Թրամփը, ինչպես և ցանկացած այլ նախագահ, իրավունք ունի ռազմական լիազորությունների մասին օրենքին համապատասխան սահմանափակ ռազմական հարվածներ հասցնել առանց Կոնգրեսի պաշտոնական թույլտվության։