1 րոպեի ընթերցում
Իրանի արտաքին գործերի նախարար Աբբաս Արաղչին հեռախոսով զրուցել է Ռուսաստանի Դաշնության արտաքին գործերի նախարար Սերգեյ Լավրովի հետ։
«Արմենպրես»-ի փոխանցմամբ՝ այս մասին հայտնում է Ռուսաստանի արտգործնախարարությունը։
Իրանի արտաքին գործերի նախարարը տեղեկացրել է Ամերիկայի Միացյալ Նահանգների և Իսրայելի սկսած ռազմական գործողություններին դիմագրավելու գործողությունների մասին և նշել, որ Իրանի դեմ այս գործողությունները հերթական անգամ խաթարել են բանակցությունները՝ Իրանի միջուկային ծրագրի շուրջ խաղաղ կարգավորման հասնելու ուղղությամբ։
Նա նաև հայտնել է ՄԱԿ անվտանգության խորհրդի հրատապ նիստ հրավիրելու ծրագրերի մասին։
Սերգեյ Լավրովը դատապարտել է ԱՄՆ-ի և Իսրայելի գործողությունները, նշել, որ Ռուսաստանը պատրաստ է նաև ՄԱԿ-ի անվտանգության խորհրդում նպաստել խաղաղ հանգուցալուծման ուղիներ գտնելուն։