1 րոպեի ընթերցում
Հայկական ծագման ապրանքների արտահանման ծավալը վերջին 8 տարիներին աճել է ավելի քան 2․2 անգամ։
«Արմենպրես»-ի փոխանցմամբ՝ այս մասին «Ֆեյսբուք»-ի իր էջում գրել է ՀՀ էկոնոմիկայի նախարար Գևորգ Պապոյանը։
Պապոյանը հայտնել է, որ 2017 թվականին հայկական ծագման ապրանքների արտահանումը կազմել է 2 մլրդ դոլար, իսկ 2025 թվականին՝ 4,46 մլրդ դոլար․ աճը՝ ավելի քան 2,2 անգամ։
Պապոյանը նաև պարզաբանել է, որ ներկայացված թվի մեջ վերաարտահանում չկա։
Նախարարը ներկայացրել է նաև արտադրողականության (մարդ/ժամ) թվերը․ 2017 թվականին՝ 5,6 դոլար, 2025 թվականին՝ 11,3 դոլար, աճը՝ ավելի քան 2 անգամ։
«Այս աճը չէր կարող տեղի ունենար, առանց արտադրողականության բարձրացման մեր ծրագրերի, որոնց ընդհանուր պորտֆելը արդեն հասնում է մոտ 1,5 մլրդ դոլարի։ Սա նշանակում է, որ մեր բիզնեսները 1,5 մլրդ դոլարի նորագույն սարքավորում են առել, իսկ պետությունը վճարում է դրանց վարկերի/լիզինգի տոկոսները ամբողջությամբ կամ մեծ մասը»,- գրել է Գևորգ Պապոյանը։