1 րոպեի ընթերցում
ԱՄՆ Գերագույն դատարանը որոշել է, որ նախագահ Դոնալդ Թրամփը գերազանցել է իր լիազորությունները՝ ազգային արտակարգ իրավիճակների համար նախատեսված օրենքի համաձայն՝ բազմաթիվ երկրների նկատմամբ մեծ մաքսատուրքեր սահմանելով։ Այդ մասին տեղեկացնում է «Արմենպրես»-ը՝ վկայակոչելով Euronews-ը։
Որոշումը կայացվել է դատավորների կոլեգիայի մեծամասնությամբ: Երեք լիբերալ դատավորներ՝ Քեթանջի Ջեքսոնը, Ելենա Քագանը և Սոնյա Սոտոմայորը, որոնց միացել են երեք պահպանողական դատավորներ՝ Էմի Քոնի Բարեթը, Նիլ Գորսաչը և Ջոն Ռոբերտսը, քվեարկել են մաքսատուրքերը չեղարկելու օգտին: Բրեթ Քավանոն, Սեմյուել Ալիտոն և Քլարենս Թոմասը դեմ են արտահայտվել:
Դատարանի մեծամասնությունը որոշեց, որ Սահմանադրությունը շատ հստակ Կոնգրեսին տալիս է հարկեր սահմանելու լիազորություն, որոնք ներառում են նաև մաքսատուրքեր, և, հետևաբար, Դոնալդ Թրամփը պետք է Կոնգրեսի թույլտվությունը խնդրեր։
«Հիմնադիր հայրերը որևէ հարկային լիազորություն չեն վերապահել գործադիր իշխանությանը», - գրել է Գերագույն դատարանի նախագահ Ջոն Ռոբերտսը։