1 րոպեի ընթերցում
Իտալիայի նախագահ Սերջո Մատարելան օլիմպիական զինադադարի կոչ է արել Միլանում և Կորտինա դ'Ամպեցոյում կայանալիք ձմեռային Օլիմպիական խաղերի ժամանակ: «Արմենպրես»-ի փոխանցմամբ՝ նրա խոսքը մեջբերել է ANSA լրատվական գործակալությունը:
Մատարելան հանդես է եկել Միջազգային օլիմպիական կոմիտեի 145-րդ նստաշրջանում:
«Թող սպորտի անզեն ուժը հարկադրի լռելու զենքին», - ասել է նախագահը` մեջբերելով Մարտին Լյութեր Քինգի խոսքը. «Մենք պետք է հասնենք այն խաղաղությանը, որը ցանկանում ենք տեսնել ամբողջ աշխարհում»:
Ձմեռային Օլիմպիական խաղերն Իտալիայում տեղի կունենան փետրվարի 6-ից մինչև 22-ը: