1 րոպեի ընթերցում
Գեղարքունիքի մարզի հուշահամալիրները, պանթեոնները, շիրմատները հունվարի 27-ի առավոտվանից մարդաշատ են․ հազարավոր քաղաքացիներ ծաղկեդրումով, խոնարհումով, խնկարկումով ու աղոթքով իրենց հարգանքի տուրքն են մատուցում հայրենիքի համար նահատակված հերոսների սուրբ հիշատակին։
«Արմենպրես»-ի թղթակցի հաղորդմամբ՝ Գավառ քաղաքի զբոսայգում՝ Հայրենիքի համար նահատակված հերոսների պանթեոն- հուշահամալիրում, ծաղկեպսակ դրեցին և ծաղիկներ խոնարհեցին Գեղարքունիքի մարզպետ Կարեն Սարգսյանը, Գավառ համայնքի ղեկավար Գուրգեն Մարտիրոսյանը և այլք։
Հայրենիքի համար նահատակված հերոսների հիշատակի, ծաղկեդրման և ոգեկոչման արարողություններ տեղի ունեցան նաև Գեղարքունիքի մարզի Մարտունի, Սևան, Ճամբարակ, Վարդենիս համայնքներում։