Լավրովը Մերձավոր Արևելքում կայունությունը կապել է պաղեստինյան պետության ստեղծման հետ
1 րոպեի ընթերցում
Անկախ պաղեստինյան պետության ստեղծումն անհրաժեշտ է Մերձավոր Արևելքի կայունության համար, հայտարարել է Ռուսաստանի արտաքին գործերի նախարար Սերգեյ Լավրովը 2025 թվականին ՌԴ դիվանագիտական գործունեության արդյունքներին նվիրված մամուլի ասուլիսում: Այդ մասին «Արմենպրես»-ը տեղեկանում է ՏԱՍՍ գործակալությունից:
«Առանց պաղեստինյան պետության ստեղծման Մերձավոր Արևելքը չի կարող լինել կայուն», - ընդգծել է նախարարը:
Լավրովը նաև մեկնաբանել է Խաղաղության խորհրդի ստեղծման ԱՄՆ-ի նախաձեռնությունը: Նա ընդգծել է, որ Ռուսաստանը պատրաստ է հնարավորություն տալ այս նախագծին, բայց կողմնակից է ՄԱԿ-ի բոլոր որոշումներին՝ անկախ Պաղեստինի Պետության ստեղծման անհրաժեշտության վերաբերյալ:
Հունվարի 19-ին Կրեմլի խոսնակ Դմիտրի Պեսկովը հայտնել էր, որ Խաղաղության խորհրդին միանալու հրավեր է ստացել նաև ՌԴ նախագահ Վլադիմիր Պուտինը։