Դատարանի որոշմամբ Գևորգ եպիսկոպոս Սարոյանը վերականգնվել է Մասյացոտնի թեմի առաջնորդի պաշտոնում
1 րոպեի ընթերցում
Դատարանի որոշմամբ Գևորգ եպիսկոպոս Սարոյանը վերականգնվել է Հայ Առաքելական եկեղեցու Մասյացոտնի թեմի առաջնորդի պաշտոնում՝ մինչև գործով վերջնական դատական ակտի կայացումը։
«Արմենպրես»-ի հաղորդմամբ՝ Գևորգ եպիսկոպոս Սարոյանը հայց է ներկայացրել դատարան ընդդեմ Հայաստանյայց Առաքելական Սուրբ եկեղեցու՝ պահանջելով անվավեր ճանաչել իրեն Մասյացոտնի թեմի առաջնորդի պաշտոնից ազատելու վերաբերյալ Գարեգին Բ կաթողիկոսի հայրապետական տնօրինությունը և վերականգնել իր պաշտոնը։
Դատարանը բավարարել է հայցադիմումի միջնորդությունը և կիրառել է հայցի ապահովման միջոց՝ վերականգնելով Գևորգ եպիսկոպոս Սարոյանին Մասյացոտնի թեմի առաջնորդի պաշտոնում մինչև դատական գործընթացի ավարտը։
2026 թվականի հունվարի 10-ին Գարեգին Բ կաթողիկոսի հայրապետական տնօրինությամբ Գևորգ եպիսկոպոս Սարոյանն ազատվել էր Մասյացոտնի թեմի առաջնորդի պաշտոնից։
Գևորգ եպիսկոպոս Սարոյանն այն 10 եպիսկոպոսներից մեկն է, որոնք միացել են Հայ Առաքելական եկեղեցու բարենորոգման օրակարգին, որն առաջարկել է ՀՀ վարչապետ Նիկոլ Փաշինյանը։