ԵԱՏՄ-ի շրջանկաներում համագործակցությունն օգուտներ է բերում բոլոր անդամ երկրներին․ Պուտին
2 րոպեի ընթերցում
Ռուսաստանի նախագահ Վլադիմիր Պուտինը հայտարարել է, որ Եվրասիական տնտեսական միության շրջանակներում համագործակցության զարգացումն օգուտներ է բերում Միության անդամ բոլոր 5 երկրներին՝ Հայաստանին, Ռուսաստանին, Ղազախստանին, Ղրղզստանին և Բելառուսին։
«Արմենպրես»-ի փոխանցմամբ՝ այս մասին ՌԴ նախագահը հայտարել է Եվրասիական տնտեսական միության բարձրագույն խորհրդի՝ նեղ կազմով նիստի ժամանակ։
«Ընդհանուր առմամբ Եվրասիական տնտեսական միության շրջանակներում համագործակցությունն օգնում է ապահովել Միության անդամ 5 երկրների, ինչպես նաև ողջ եվրասիական տարածաշրջանի տնտեսական կայունությունն և դիմակայունությունը»,- ասել է Պուտինը։
ՌԴ նախագահն ընդգծել է, որ Ռուսաստանը բարձր է գնահատում Եվրասիական տնտեսական միության գործընկերների հետ փոխշահավետ և բազմապլան փոխգործակցությունը և անկեղծորեն հետաքրքրված է Միության բազմակողմ ամրապնդման ուղղությամբ համատեղ աշխատանքների ակտիվացմամբ։
Վլադիմիր Պուտինը նաև հայտարարել է, որ Եվրասիական տնտեսական միության շրջանակներում համագործակցությունն ամուր կերպով հաստատվել է որպես ամենաինքնուրույն և ինքնբավ կենտրոններից մեկը ձևավորվող բազմաբևեռ աշխարհում։
ՌԴ նախագահի խոսքով՝ ԵԱՏՄ-ի շրջանակներում ընդլայնվում են փոխադարձ առևտրային, ներդրումային փոխանակումները, խորանում են Միության մասնակիցների կոոպերացիոն կապերը։