1 րոպեի ընթերցում
Ազատության պողոտայում ապամոնտաժվել է Երևանում գործող վերջին նատրիումային լուսատուն և փոխարինվել ժամանակակից, գերհզոր՝ 3000 կելվին գունային ջերմատվությամբ ԼԵԴ լուսատուով։ «Արմենպրես»-ի հաղորդմամբ՝ այս մասին Տելեգրամի իր ալիքում գրել է Երևանի քաղաքապետ Տիգրան Ավինյանը։
Քաղաքապետի խոսքով՝ վերջին տարիներին հին նատրիումային տիպի լուսատուներն ամբողջությամբ փոխարինվել են նոր ԼԵԴ լուսատուներով։
Նա տեղեկացրել է, որ վերջին երկու տարվա ընթացքում Երևանում տեղադրվել է 22 219 էներգախնայող ԼԵԴ լուսատու։