1 րոպեի ընթերցում
Հայաստանի և Ադրբեջանի միջև պետք է լինի բոլոր տեսակի ապրանքների շրջանառություն։
«Արմենպրես»-ի հաղորդմամբ՝ այս մասին Ալեն Սիմոնյանն ասաց Մարդու իրավունքների պաշտպանության միջազգային օրվա առթիվ կազմակերպված միջոցառման շրջանակներում ունեցած ճեպազրույցի ժամանակ։
«Չեմ ուզում կենտրոնանանք միայն նավթամթերքի վրա։ Բոլոր տեսակի ապրանքների շրջանառություն պետք է լինի և մենք դրան պատրաստ ենք։ «Խաղաղության խաչմերուկ»-ը և այն խաղաղությունը, որի վերաբերյալ խոսում ենք, հենց դրա մասին է՝ բոլոր տեսակի ապրանքների մասին է խոսքը»,-ասաց Սիմոնյանը՝ համոզմունք հայտնելով, որ Հայաստանը պետք է օգտվի էներգակիրների բոլոր հնարավոր այլընտրանքներից՝ հնարավորություն տալով, որ Ադրբեջանը ևս իր շահն ու հետաքրքրությունն ունենա ՀՀ տարածքով դեպի Նախիջևան կամ Թուրքիա նույնպես արտահանելու։
Ավելի վաղ՝ Ադրբեջանի նախագահի արտաքին քաղաքական հարցերով օգնական Հիքմեթ Հաջիևը հայտարարել է, որ Երևանն ու Բաքուն քննարկում են Ադրբեջանից Հայաստան նավթի ու նավթամթերքի արտահանման հարցը։