Հայաստան-Ադրբեջան խաղաղության համաձայնագրի ստորագրման շուրջ բանակցությունները շարունակվում են․ ԱԳ փոխնախարար
1 րոպեի ընթերցում
Հայաստան-Ադրբեջան խաղաղության համաձայնագրի ստորագրման շուրջ բանակցությունները շարունակվում են, սակայն համաձայնագրի ստորագրման հստակ ժամկետ չկա։ «Արմենպրես»-ի հաղորդմամբ՝ լրագրողների հետ ճեպազրույցում այս մասին ասաց ՀՀ արտաքին գործերի նախարարի տեղակալ Մնացական Սաֆարյանը։
Փոխնախարարը նշեց, որ կողմերի միջև շփումները շարունակական են։
Անդրադառնալով սահմանազատման գործընթացին՝ փոխնախարարը նշեց, որ այն իրականացվում է երկու երկրների սահմանազատման հանձնաժողովների ղեկավարների մակարդակով։
«Մենք միշտ հաղորդագրություններով տարածում ենք այն ամենն, ինչ կատարվում է գործընթացում»,-նշեց Սաֆարյանը՝ ընդգծելով, որ աշխատանքները չեն դադարել։
Լրագրողների հարցին՝ արդյոք սահմանազատումը շարունակվելու է Սյունիքում, Սաֆարյանը պատասխանեց, որ եթե լինի զարգացում, անպայման կլինի հաղորդագրություն։
Խաղաղության համաձայնագրի հնարավոր ստորագրման ժամկետների մասին հարցին փոխնախարարը պատասխանեց, որ հստակ ժամկետների մասին չի կարող ասել։