1 րոպեի ընթերցում
Լեհաստանը հրաժարվում է իր երկրում ընդունել և վերաբնակեցնել միգրանտներին Եվրամիության միգրացիոն պայմանագրի համաձայն: «Արմենպրես»-ի փոխանցմամբ՝ այս մասին հայտարարել է վարչապետ Դոնալդ Տուսկը։
«Լեհաստանը չի ընդունելու միգրանտներին միգրացիոն պայմանագրի համաձայն: Եվ չի վճարելու դրա համար։ Սա վերջնականապես որոշված է։ Մենք գործում ենք, ոչ թե խոսում», - գրել է Տուսկը X սոցիալական հարթակում։
Ավելի վաղ Լեհաստանի նախագահ Կարոլ Նավրոցկին և արտգործնախարար Մարցին Կերվինսկին հայտարարել էին Լեհաստանում ԵՄ-ի միգրացիոն պայմանագրի իրագործմանը հակազդելու մտադրության մասին։
Այս շաբաթ լեհական լրատվամիջոցները հաղորդել են, որ Լեհաստանը, ինչպես նաև Ավստրիան, Բուլղարիան, Չեխիան, Խորվաթիան և Էստոնիան հայտեր են պատրաստում հաջորդ տարի միգրանտների վերաբնակեցումից լրիվ կամ մասնակի ազատվելու համար, ինչը նախատեսված է ԵՄ-ի ապաստան տրամադրելու և միգրացիայի մասին պայմանագրով։
Լեհ-բելառուսական սահմանին դադարեցվել է միջազգային պաշտպանության համար օտարերկրացիներից դիմումների ընդունումը։ Լեհաստանի կառավարության համապատասխան որոշումը, որի գործողության ժամկետը 60 օր է, ուժի մեջ է մտել 2025 թ. մարտի 27-ին և հետագայում երկարացվել Սեյմի կողմից։