1 րոպեի ընթերցում
Ռուսաստանի արտգործնախարար Սերգեյ Լավրովը Մոսկվայում ընդունել է իր հյուսիսկորեացի պաշտոնակից Ցոյ Սոն Հիին: Կողմերը քննարկել են երկու երկրների հարաբերությունների զարգացումը և աշխարհում տիրող իրավիճակը: «Արմենպրես»-ի փոխանցմամբ՝ այս մասին հաղորդում է «ՌԻԱ Նովոստի» գործակալությունը:
Լավրովը նշել է, որ վերջին երեք ամսվա ընթացքում Մոսկվայի և Փհենյանի հարաբերությունները «լրացուցիչ և հզոր խթան են ստացել 2024 թ. հունիսին երկու երկրների ղեկավարների սկզբունքային պայմանավորվածությունների զարգացման առումով»:
Նա նաև նշել է, որ Ռուսաստանը երբեք չի մոռանա հյուսիսկորեացի զինվորականների սխրանքները Կուրսկի մարզն ուկրաինացի զինվորականներից ազատագրելու ժամանակ:
Ցոյ Սոն Հին իր հերթին նշել է, որ Հյուսիսային Կորեան աջակցում է Ռուսաստանի ղեկավարության քաղաքականությունն՝ «ուղղված իր ինքնիշխանության, տարածքային ամբողջականության, միջազգային արդարության պահպանմանը և ուժեղ Ռուսաստան կառուցելու գործի իրականացմանը»:
Ցոյ Սոն Հին աշխատանքային այցով Ռուսաստանում է գտնվում հոկտեմբերի 26-28-ը, որից հետո նա կմեկնի Բելառուս: