1 րոպեի ընթերցում
Վաղարշապատ համայնքի ավագանու ընտրությունները կազմակերպելու համար ձևավորված 47 տարածքային ընտրական հանձնաժողովները, «Ընտրական օրենսգիրք» սահմանադրական օրենքի կարգավորումների համաձայն, հոկտեմբերի 25-ին գումարել են իրենց առաջին նիստերը:
«Արմենպրես»-ի հաղորդմամբ՝ այս մասին հայտնում են ՀՀ կենտրոնական ընտրական հանձնաժողովի մամուլի ծառայությունից՝ հավելելով, որ ընտրական օրենսգրքի համաձայն, առաջին նիստում հանձնաժողովների անդամները ծանոթացել են իրենց իրավունքներին և պարտականություններին, և ստորագրել ծանոթացման տեքստը:
Նշվում է, որ հանձնաժողովների անդամներն իրենց լիազորությունների ստանձնումից մինչև դրանց իրականացման ավարտն իրավունք չունեն նախընտրական քարոզչություն կազմակերպել և իրականացնել։