Հայաստանը և Իրանը բանակցում են պարզեցված մաքսային միջանցքի համաձայնագիր կնքելու շուրջ. ՊԵԿ նախագահ
1 րոպեի ընթերցում
Հայաստանի և Իրանի միջև պարզեցված մաքսային միջանցքի համաձայնագիր կնքելու վերաբերյալ բանակցություններ են ընթանում:
«Արմենպրես»-ի մամուլի սրահում այս մասին հայտնեց Պետական եկամուտների կոմիտեի նախագահ Էդուարդ Հակոբյանը:
«Հայաստանի և Իրանի միջև պարզեցված մաքսային միջանցքի համաձայնագիր կնքելու վերաբերյալ բանակցություններ են ընթանում բանակցությունները շուտով կավարտվեն»,- ասաց Հակոբյանը։
ՊԵԿ նախագահը ներկայացրեց նաև Վրաստանի հետ համագործակցության վերաբերյալ մանրամասներ։
«Վրաստանի հետ համատեղ կետի հարց ենք քննարկում և աշխատանքային խումբ է ձևավորվել՝ Գոգավան-Գուգուտի հատվածում համատեղ ծառայություն մատուցելու ուղղությամբ»,- նշեց Հակոբյանը:
ՊԵԿ նախագահի խոսքով՝ Ամերիկայի Միացյալ Նահանգների հետ էլ մեծ թափով վերսկսվել է գործակցությունը կարողությունների զարգացման, մաքսային համակարգի սարքավորումների ձեռքբերման, ինչպես նաև առանձին խելացի մոնիթորինգային համակարգերի ներդրման ուղղությամբ: