Պուտինը և Թրամփը չեն բացառում ապագայում գագաթնաժողով անցկացնելու հնարավորությունը. Պեսկով

Ռուսաստանի նախագահ Վլադիմիր Պուտինը և ԱՄՆ ղեկավար Դոնալդ Թրամփը դրականորեն են տրամադրված ապագայում գագաթնաժողով անցկացնելու հնարավորության հարցում: Սա հետևում է նրանց հայտարարություններից, նշել է Ռուսաստանի նախագահի մամուլի քարտուղար Դմիտրի Պեսկովը: Այդ մասին «Արմենպրես»-ը տեղեկանում է ՏԱՍՍ գործակալությունից:

«Այո, նախագահ Թրամփը հայտարարել է, որ այս պահին ինքը դադարել է մտածել գագաթնաժողով անցկացնելու մասին: Միևնույն ժամանակ վերջին երկու օրերի ընթացքում նա արդեն մի քանի անգամ կրկնել է, որ չի բացառում այդ գագաթնաժողովի անցկացումն ապագայում, - նշել է Կրեմլի ներկայացուցիչը: - Այդ տեսակետին համաձայն է նաև նախագահ Պուտինը, ինչի մասին նա ինքը երեկ ասաց զանգվածային լրատվամիջոցների ներկայացուցիչների հետ զրուցելիս»: