1 րոպեի ընթերցում
Երևանի ավագանին որոշում ընդունեց «Հանրապետություն» խմբակցության նախաձեռնությամբ նախագծով մայրաքաղաքի Լենինգրադյան փողոցը ՀՀ ազգային հերոս, բարերար Քըրք Քըրքորյանի անվամբ փոխելու վերաբերյալ։
«Արմենպրես»-ի հաղորդմամբ՝ Երևանի ավագանու հոկտեմբերի 23-ի նիստում համապատասխան նախագիծը ներկայացրեց «Հանրապետություն» խմբակցության ղեկավար Անի Խաչատրյանը։
Երևանի ավագանու որոշման համաձայն՝ Երևան քաղաքի Աջափնյակ և Մալաթիա-Սեբաստիա վարչական շրջանների Լենիգրադյան փողոցը (սկսվում է Հրազդանի մեծ կամրջից, հասնում Սեբաստիայի և Գ. Հասրաթյան փողոցների խաչմերուկ) կանվանափոխվի բարերար Քըրք Քըրքորյանի անվամբ՝ «Քըրք Քըրքորյան փողոց»: