1 րոպեի ընթերցում
Ռուսաստանի Դաշնության արտաքին գործերի նախարար Սերգեյ Լավրովը և Ամերիկայի Միացյալ Նահանգների պետքարտուղար Մարկո Ռուբիոն հեռախոսազրույց են անցկացրել։
«Արմենպրես»-ի փոխանցմամբ՝ այս մասին հայտնում է Ռուսաստանի արտգործնախարարությունը։
«Տեղի է ունեցել կառուցողական քննարկում հնարավոր կոնկրետ քայլերի վերաբերյալ՝ ի շահ այն փոխըմբռնումների իրականացման, որոնք ձեռք են բերվել հոկտեմբերի 16-ին Ռուսաստանի Դաշնության նախագահ Վլադիմիր Պուտինի և ԱՄՆ նախագահ Դոնալդ Թրամփի հեռախոսազրույցների ընթացքում»,- ասված է հաղորդագրությունում։
ՌԴ արտաքին գործերի փոխնախարար Սերգեյ Ռյաբկովը հոկտեմբերի 20-ին հայտնել է, որ Ռուսաստանի և ԱՄՆ-ի արտաքին քաղաքական գերատեսչությունների ղեկավարներ Սերգեյ Լավրովի և Մարկո Ռուբիոյի առաջիկա հնարավոր հանդիպման ժամանակ կարող են քննարկվել ուկրաինական հարցը, երկկողմ հարաբերությունները և տնտեսական օրակարգը։