1 րոպեի ընթերցում
ԱՄՆ նախագահ Դոնալդ Թրամփը նշել է, որ Ռուսաստանը չի ցանկանում դադարեցնել հակամարտությունն Ուկրաինայում։ «Արմենպրես»-ի փոխանցմամբ՝ այս մասին նա ասել է Արգենտինայի նախագահ Խավիեր Միլեյի հետ միասին Սպիտակ տանը լրագրողների հետ զրույցում:
«Ես շատ լավ հարաբերություններ ունեմ նախագահ Վլադիմիր Պուտինի հետ։ Բայց նա պարզապես չի ցանկանում դադարեցնել այս պատերազմը», - լրագրողների հետ զրույցի տեսանյութն է տարածել Forbes Breaking News-ը։
Թրամփն այն կարծիքին է, որ ՌԴ-ն ցանկության դեպքում կարող է արագորեն վերջ դնել ճգնաժամին։ ԱՄՆ նախագահը նաև ասել է, որ ոչ ոք չէր կարծում, թե Ուկրաինան կարող է Ռուսաստանի դեմ կռվել 4 տարի։ Թրամփի խոսքով՝ Ռուսաստանը շատ մեծ կորուստներ է կրում։
Նա նաև հիշեցրել է, որ Ուկրաինայի նախագահ Վոլոդիմիր Զելենսկին Վաշինգտոն է ժամանելու հոկտեմբերի 17-ին։ Թրամփն ասել է, որ Զելենսկին կխնդրի սպառազինության մատակարարումներ, այդ թվում՝ Tomahawk թևավոր հրթիռներ։ Նախագահը հավելել է, որ ԱՄՆ-ն այդ հրթիռների խոշոր զինանոց ունի։