Հայաստանի և Ղազախստանի արտգործնախարարությունների միջև քաղաքական խորհրդակցություններ են կայացել
1 րոպեի ընթերցում
Հայաստանի և Ղազախստանի արտաքին գործերի նախարարությունների միջև քաղաքական խորհրդակցություններ են կայացել: «Արմենպրես»-ի փոխանցմամբ՝ այս մասին հայտնում է Հայաստանի արտաքին քաղաքական գերատեսչությունը, նշելով՝ խորհրդակցությունները տեղի են ունեցել հոկտեմբերի 6-ին, Աստանայում:
Հայաստանի արտաքին գործերի նախարարի տեղակալ Մնացական Սաֆարյանի և Ղազախստանի Հանրապետության ԱԳ նախարարի տեղակալ Երմուխամբետ Կոնսուպաևի գլխավորությամբ անցկացված խորհրդակցությունների ընթացքում մանրամասն քննարկվել են Հայաստանի և Ղազախստանի միջև համագործակցության հարցերի լայն շրջանակ, այդ թվում՝ առաջիկա միջոցառումների և փոխայցերի օրակարգը, փոխգործակցությունը՝ երկկողմ և բազմակողմ ձևաչափերում:
Հանդիպման արդյունքներով պայմանավորվածություն է ձեռք բերվել արտաքին քաղաքական գերատեսչությունների սերտ շփումների և համագործակցության շարունակականության վերաբերյալ՝ Հայաստանի և Ղազախստանի միջև հարաբերությունների հետագա զարգացման և ամրապնդման նպատակով: